13 студзеня 2022 года ў фармаце жывой гутаркі адбылася сустрэча BIM-спецыялістаў Рэспублікі Беларусь, на якой былі прадстаўлены прэзентацыі розных прадпрыемстваў і фрылансераў.
Дадзенае мерапрыемства было арганізавана Групай кампаній МУК - афіцыйным дыстрыбутарам і аўтарызаваным навучальным цэнтрам Autodesk.
Удзельнікі прадэманстравалі свае поспехі ва ўкараненні BIM-тэхналогій, паспяховым іх выкарыстанні і падзяліліся планамі на далейшае развіццё. Дзякуючы такой сустрэчы атрымалася абмяняцца вопытам, задаць пытанні і атрымаць адказы непасрэдна ад спецыялістаў. Удзельнікі атрымалі станоўчыя эмоцыі, пазнаёміліся з калегамі ў галіне BIM-тэхналогій, а таксама атрымалі разуменне ўзроўню кампетэнцый на рынку Рэспублікі Беларусь.
У рамках гэтай сустрэчы, у афіцыйнай частцы BIM-менеджар дзяржаўнага прадпрыемства "Беларуснафта-Нафтахімпраект" Доўгаль Алена выступіла з прэзентацыяй, у якой пазнаёміла ўдзельнікаў сустрэчы з BIM-структурай прадпрыемства, складам BIM-каманды, правяла агляд этапаў укаранення і падзялілася планамі на далейшае развіццё..
У неафіцыйнай частцы сустрэчы ўдзельнікі змаглі пагутарыць паміж сабой, падзяліцца вопытам і абмяняцца патрэбнай інфармацыяй.
Фармат афлайн сустрэчы задаў вектар на арганізацыю далейшых сустрэч. Спецыялісты дзяржаўных і прыватных кампаній маюць намер далей ладзіць адкрытыя сустрэчы, дзяліцца сваім вопытам, абменьвацца ведамі і вывучаць магчымасці BIM-тэхналогій у рамках усяго жыццёвага цыкла аб'ектаў будаўніцтва.